• Salah ថា​ដោយ​សារ​ខ្លួន​វិល​មក​វិញ​ទេ បាន Liverpool យក​ឈ្នះ ManU យប់មិញ​នោះ

    Mohamed Salah ដែល​ជា​អ្នក​រក​បាន​គ្រាប់​បាល់​ទី​ពីរ​ឲ្យ​ក្លឹប Liverpool នៅ​ជំនួប​ទល់ Man Utd យប់មិញ បាន​បោះ​សម្តី​លេង​សើច​ចាក់​ដោត​បេះដូង​អ្នក​គាំទ្រ​មួយ​ទំហឹង។

    Salah ​ដែល​ខកខាន​ប្រកួត​ជើង​ទី ១ ដែល​ស្មើ ១-១ គ្រា​នោះ​គេ​មាន​បញ្ហា​របួស​ក​ជើង បាន​ត្រលប់​មក​ចូលរួម​នៅ​ជើង​ទី ២ និង​អាច​រក​បាន​មួយ​គ្រាប់​នៅ​ឯ​កីឡដ្ឋាន Anfield។

    បុរស​វ័យ ២៧ ឆ្នាំ​បាន​និយាយ​ថា៖ “ដូច​អ្នក​បាន​ឃើញ​នៅ​ថ្ងៃ​នេះ​ហើយ ពេល​ខ្ញុំ​ត្រលប់​ពី​បញ្ហា​របួស​វិញ គឺ​យើង​បាន​ឈ្នះ​ការ​ប្រកួត ដោយ​ខ្ញុំ​ពិត​ជា​រីករាយ​សម្រាប់​ក្រុម​របស់​យើង​ខ្លាំង​ណាស់”។ ជា​សារ​និយាយ​លេង​សើច​ទៅ​កាន់ Sky Sports។

    លោក​បន្ត៖ “យើង​ពិត​ជា​រីករាយ​នឹង​បរិយាកាស​បែប​នេះ ហើយ​ក៏​សង្ឃឹម​មុន​ហើយ​ដែរ​ថា​នឹង​អាច​បញ្ចប់​ក្នុង​លទ្ធផល​អ៊ីចឹង ដោយ​ពេល​ទទួល​បាន​ការ​បញ្ជូន​ពី Alisson គឺ​ពេល​នោះ​គ្មាន​នរណា​អាច​ដណ្តើម​បាល់​ពី​ខ្ញុំ​បាន​ទេ ហើយ​ចំពោះ​លទ្ធផល​ជ័យជម្នះ​នេះ​គឺ​ខ្ញុំ​រីករាយ​ខ្លាំង​បំផុត”៕ ប្រភព៖ FoxSportAsia

    ភ្ជាប់ទំនាក់ទំនងជាមួយ CTS SPORT