Harry Maguire នឹងចាប់ប្រើប្រាស់ស្លាកប្រធានក្រុមលើអាវរបស់ខ្លួនចាប់ពីពេលនេះតទៅ ពោលគឺជំនួសអ្នកចាស់ Ashley Young ក្រោយល្ហិចល្ហៀងពីដំណឹងនៃការចាកចេញរបស់ខ្សែការពារស្លាបសញ្ជាតិអង់គ្លេស។
តាមរយៈការបញ្ជាក់កន្លងទៅ Solskjaer អ្នកចាត់ការក្លឹបបិសាចក្រហមបាននិយាយថា៖ “Harry ដែលបានប្រើប្រាស់ស្លាកប្រធានក្រុម និងនៅតែបន្តប្រើប្រាស់វា ដោយជំនាញនៃភាពជាអ្នកដឹកនាំរបស់គេពិតជាធ្វើឲ្យខ្ញុំចាប់អារម្មណ៍”។
លោកបន្ត៖ “គ្រប់យ៉ាងអំពីគាត់ប្រាប់មកខ្ញុំយ៉ាងច្បាស់ថាគាត់សក្តិសមជាអ្នកដឹកនាំ ពោលគឺ Harry នឹងបន្តប្រើប្រាស់វាចាប់ពីពេលនេះតទៅ”។
ប្រកួតបន្ទាប់របស់ Man Utd នឹងត្រូវប៉ះគ្នាជាមួយហង្សក្រហម Liverpool នាចុងសប្តាហ៍នេះ មានន័យថា Maguire ប្រសិនអាចចូលលេងក្រោយផុតពីរបួស ក៏នឹងប្រើប្រាស់ស្លាកប្រធានក្រុមក្នុងប្រកួតនោះដូចគ្នាផងដែរ៕ ប្រភព៖ Sportskeeda