•  Roger Federer ​កុងត្រា​ជាមួយ​ក្រុមហ៊ុន​សំលៀក​បំពាក់​ជប៉ុន ​តម្លៃ​៣០០​លាន​ដុល្លារ

    Roger Federer ​វីរបុរស​​វាយ​កូន​បាល់​អន្តជាតិ ​បាន​ចុះ​កុងត្រា​រយៈ​ពេល​១០​ឆ្នាំ​ជាមួយ​ក្រុមហ៊ុន​លក់​សំលៀក​បំពាក់​ជប៉ុន Uniqlo ​ក្នុង​តម្លៃ​ខ្លួន​៣០០​លាន​ដុល្លារ។

    ការ​ចុះ​កុងត្រា​នេះ ​ធ្វើ​ឡើង​បន្ទាប់​ពី Roger ​បាន​ដាច់​កុងត្រា​ជាមួយ​ក្រុមហ៊ុន Nike ​កាល​ពី​ប៉ុន្មាន​ខែ​កន្លង​ទៅ។ កីឡាករ​សញ្ជាតិ​ស្វីស​ខាង​លើ​នេះ ​បាន​ចុះ​កុងត្រា​កាល​ពី​ថ្ងៃ​ចន្ទ​កន្លង​ទៅ ​ហើយ​ក្នុង​ការ​ប្រកួត​ពាន​រង្វាន់ Wimbledon ​រូបគេ​បាន​ពាក់​អាវ​របស់​ផលិត​ផល​ក្រុមហ៊ុន Uniqlo ​ហើយ។

    ម្ចាស់​ពាន​រង្វាន់ Grand Slam ​២០​សម័យ​កាល​ខាង​លើ​បាន​និយាយ​ថា​៖ “ខ្ញុំ​សប្បាយ​ចិត្ត​ដែល​បាន​ពាក់​អាវ​របស់ Uniqlo។ ខ្ញុំ​ត្រូវ​តែ​ប្រាប់​អ្នក​រាល់​គ្នា​ថា ​វា​នៅ​មាន​ពេល​ច្រើន​ទៀត ​ហើយ​រឿង​ជា​ច្រើន​ទៀត​នឹង​ចូល​មក​ដល់។ ​ខ្ញុំ​មិន​មាន​កុងត្រា​ជាមួយ​ខាង​ក្រុមហ៊ុន​ស្បែក​ជើង​នោះ​ទេ ​ហើយ​ខ្ញុំ​កំពុង​រង់ចាំ​ជាមួយ​ការ​ចុះ​កុងត្រា​មួយ​ទៀត”។

    ដោយសារ​តែ​ខាង​ក្រុមហ៊ុន Uniqlo ​មិន​មាន​ផលិត​ស្បែក​ជើង​ឡើយ ដូច្នេះ​ហើយ Roger ​នៅ​ប្រើ​ស្បែក​ជើង Nike ​របស់​ខ្លួន​សិន។ ស្រប​ពេល​ដែល​កីឡាករ​រូប​នេះ ​កំពុង​ស្វែង​រក​ការ​ចុះ​កុងត្រា​មួយ​ទៀត ​ចំពោះ​ស្បែក​ជើង​របស់​គាត់៕ប្រភព៖ BBC

     

     

    ភ្ជាប់ទំនាក់ទំនងជាមួយ CTS SPORT