មុននេះបន្តិចក្រុមហង្សក្រហមទើបតែសម្រេចលើកិច្ចព្រមព្រៀងដាក់ឲ្យ Rhian Brewster ខ្ចីជើងទៅកាន់ក្លឹប Swansea City ដើម្បីទទួលបានឱកាសលេងគ្រប់គ្រាន់ច្រើនជាងនេះ នាពេញមួយរដូវកាលសេសសល់ ២០១៩/២០។
កីឡាករវ័យ ១៩ ឆ្នាំ មានទំនាក់ទំនងល្អជាមួយអ្នកចាត់ការ Swansea លោក Steve Cooper បន្ទាប់ពីរូបគេធ្លាប់ឈ្នះពានរង្វាន់ស្បែកជើងមាសនៅជម្រើសជាតិអង់គ្លេស សម្រាប់ព្រឹត្តិការណ៍ World Cup U17 កន្លងទៅ។
នារដូវកាលនេះ បើរាប់នៅ Liverpool គឺ Brewster ទើបបង្ហាញខ្លួនបាន ៣ ប្រកួតគត់ រាប់បញ្ចូលទាំងនៅជំនួបយកឈ្នះទៅលើ Everton កាលពីថ្ងៃអាទិត្យកន្លងទៅផងដែរ។
Brewster ទំនងជាអាចនឹងបង្ហាញខ្លួនផ្លូវការសម្រាប់ក្លឹប Swansea ចា់បពីប្រកួតទល់ Cardiff City នាថ្ងៃទី ១២ ខាងមុខនេះតទៅ៕ ប្រភព៖ BeSoccer