ក្លឹប Inter Milan ដែលមានអ្នកចាត់ការលោក Antonio Conte បានបង្ហាញការចាប់អារម្មណ៍ក្នុងការនាំយក Marcos Alonso មកជួយជ្រោមជ្រែងក្លឹបលើគោលដៅប្រកួតប្រជែងពានរង្វាន់លីគជាមួយនឹងក្លឹប Juventus។
Antonio Conte
យ៉ាងណាមិញបើតាមរបាយការណ៍បញ្ជាក់ពីតម្លៃ គឺ Chelsea នឹងមិនអនុញ្ញាតឲ្យខ្សែការពារស្លាបរូបនេះចាកចេញទៅណាបាននោះទេ ប្រសិនពុំមានការផ្តល់ជូននូវតម្លៃ ៤០ លានអឺរ៉ូទេនោះ។
Marcos Alonso
បញ្ជាក់ថា Inter Milan ហាក់ខ្វាយខ្វល់ខ្លាំងឡើងនៅប្រព័ន្ធការពារក្រោយរបស់ខ្លួន ព្រោះការរបូតគ្រាប់បាល់ក៏កើតមានច្រើនគួរសម ត្បិតខ្លួនមានលំដាប់ពិន្ទុឈរនៅកំពូលតារាងក៏ពិតមែន។ ណាមួយបារម្ភរឿងរបួសរបស់ Kwadwo Asamoah និងមួយផ្សេងក៏មិនសូវមានការទុកចិត្តលើគុណភាពរបស់ Cristiano Biraghi ថែមទៀត។
រំឭកថា Alonso នឹងឈានចូលវ័យ ២៩ ឆ្នាំនៅសប្តាហ៍នេះ ប៉ុន្តែនៅក្រោមការដឹកនាំរបស់ Frank Lampard រូបលោកទើបបង្ហាញខ្លួនបាន ៨ ប្រកួតគត់ ប៉ុន្តែក៏ធ្លាប់ជាចំណែកដែលជួយឲ្យតោខៀវឈ្នះពានកាលពីរដូវកាល ២០១៦-១៧ ពេល Conte នៅដឹកនាំ៕ ប្រភព៖ Football-Italia