នៅបទសម្ភាសន៍ជាមួយសារព័ត៌មាន France Football កីឡាករ Kylian Mbappe បានទម្លាយជុំវិញរឿងរ៉ាវដែលមានការប្រៀបធៀបរវាងខ្លួននិង Neymar នៅពេលរូបគេមកចូលរួមនៅ Paris Saint-Germain ដំបូងៗ។
Mbappe សង្កត់ធ្ងន់ថារូបគេពុំបានមកចូលជំនួសតំណែងរបស់ Neymar នោះឡើយ ដោយយុវជនជិតឈានចូលវ័យ ២១ ឆ្នាំរូបនេះនិយាយថា៖ “ពេលខ្ញុំមកដល់ គាត់ជាតារាលេចធ្លោម្នាក់ទៅហើយ ដោយពេលមួយគាត់ចាញ់ World Cup ហើយខ្ញុំបានឈ្នះពាននោះ រហូតមានមនុស្សជាច្រើននិយាយថាយើងជាគូប្រជែងនឹងគ្នា ដោយខ្ញុំពិតជាភ្ញាក់ផ្អើលនឹងអានរឿងរ៉ាវទាំងនោះ”។
កីឡាកររូបនេះបន្ត៖ “ខ្ញុំប្រាប់ Neymar ថា អ្នកធ្វើមិនបានល្អនៅ World Cup ទេ តែវាជារឿងល្អប្រសើរទៅវិញសម្រាប់យើង ព្រោះខ្ញុំមកទីនេះពុំបានលួចយកតំណែងរបស់អ្នកឡើយ ពោលគឺគ្រាន់ចង់មានប្រជែង Ballon d’or ហើយធានាថានឹងមកចូលរួមចំណែកជួយអ្នកទៅវិញទេ”៕ ប្រភព៖ BeSoccer