ក្រុម Manchester City បានវាយបកយកឈ្នះក្រុម Leicester City បានវិញ ក្នុងលទ្ធផល ៣-១ នាការប្រកួតលីគកំពូលអង់គ្លេសកាលពីយប់មិញនេះ។
Vardy របស់ក្រុម Leicester City រកគ្រាប់បាល់បានមុននៅនាទី២២ ប៉ុន្តែត្រូវ Mahrez រកគ្រាប់បាល់តាមស្មើវិញបាននៅនាទី៣០។ នៅចុងតង់ទី១ នាទី៤៣ Gundogan ក៏រកបាន១គ្រាប់នាំមុខឱ្យក្រុមលោក Pep វិញ ដោយការស៊ុតបាល់ប៉េណាល់ទី។ ការប្រកួតនៅតង់ទី២ នាទី៦៩ Gabriel Jesus ក៏រកគ្រាប់ថែមបាន១គ្រាប់ទៀត យកឈ្នះលើក្រុម Leicester City ៣-១។
លោក Pep បាននិយាយក្រោយចប់ការប្រកួតថា៖ “ចាប់ផ្ដើមការប្រកួតយើងលេងបានយ៉ាងល្អ។ វាជាការប្រកួតមួយដែលក្រុមរបស់យើងមានទម្រង់លេងប្រសើរខ្លាំង ទាំងការពារ និងប្រយុទ្ធ។ ខ្ញុំសូមអរគុណដល់ក្រុមការងារ កីឡាករដែលបានប្រឹងប្រែងសម្រាប់ការប្រកួតនេះ។ វាជា៣ពិន្ទុដែលយើងត្រូវតែយកឱ្យបាន”៕ប្រភព៖ Dailymail
