លោក Jose Mourinho នឹងត្រូវដឹកនាំក្រុម Spurs ប្រកួតទល់ក្រុម Chelsea នៅយប់ស្អែកនេះ ដើម្បីប្រជែងយក៣ពិន្ទុ ពានរង្វាន់លីគកំពូលអង់គ្លេស។មុននាំក្រុមថ្មី ទៅប្រកួតទល់ក្រុមចាស់របស់ខ្លួន លោក Jose Mourinho ថាខ្លួនពិតជាមានអារម្មណ៍ពិបាកក្នុងការដឹកនាំក្រុម។ ការប៉ះក្រុម Chelsea គឺលោកមានអារម្មណ៍ថាដូចដឹកនាំក្រុមខ្លួនឯងទល់ក្រុមខ្លួនឯង។ តែយ៉ាងណា នៅពេលនេះ Spurs ត្រូវតែយក៣ពិន្ទុឱ្យបានសម្រាប់សប្ដាហ៍នេះ ដើម្បីប្រជែងកៅអី៤ក្រុមខាងលើវិញ។
អ្នកគាំទ្រមួយចំនួននៅចាំបានយ៉ាងច្បាស់នៅគ្រាមួយ ដែលលោក Jose នៅដឹកនាំក្រុម Chelsea ។ លោកបាននិយាយក្នុងសន្នីសីទកាសែតថា នៅថ្ងៃអនាគតលោកមិនអាចដឹកនាំក្រុម Spurs បានឡើយ ព្រោះលោកស្រលាញ់អ្នកគាំទ្រក្រុម Chelsea ខ្លាំងណាស់៕
ប្រព៖ DailyMail