Zlatan Ibrahimovic នឹងវិលត្រលប់ទៅចូលរួមនៅបណ្តាក្លឹបអង់គ្លេសណាមួយក្នុងពេលខាងមុខ ប្រសិនមានការសម្រេចនៅលក្ខខណ្ឌពិសេសនោះគឺព្រមចាត់តាំងឲ្យលោក Carlo Ancelotti ទៅដឹកនាំ។
បើតាមសារព័ត៌មាន The Telegraph បានឲ្យដឹងថាជាមួយទំនាក់ទំនងដ៏ល្អរវាងលោក Ancelotti និង Zlatan កាលនៅ PSG រុញឲ្យអ្នកទាំងពីរទំនងត្រូវជួបគ្នាសារជាថ្មីនៅទឹកដី Goodison Park របស់ក្លឹប Everton ប្រសិនមានការព្រមព្រៀងក្នុងពេលខាងមុខ។
ប្រភពដដែលបានសង្កត់ធ្ងន់ថាការប្រកាសផ្លូវការទំនងអាចធ្វើបាននៅថ្ងៃចន្ទសប្តាហ៍ក្រោយ ស្របពេលដែល Everton ត្រូវឆ្លងកាត់ប្រកួតសំខាន់មួយទល់ Arsenal នៅចុងសប្តាហ៍ ប៉ុន្តែប្រើប្រាស់គ្រូបណ្តោះអាសន្ន មុនពេលប្រកាសយក Ancelotti និងដំណឹងនៃការទទួល Zlatan នៅពេលក្រោយ៕ ប្រភព៖ FoxSportAsia