លោក Zidane អ្នកចាត់ការក្រុម Real Madrid បានចាត់ទុកជំនួបទល់ក្រុម Valencia នៅរាត្រីនេះ សំខាន់ជាងប៉ះក្រុម Barcelona ទៅទៀត។នៅរាត្រីនេះ ប្រសិនបើ Real Madrid យកឈ្នះលើក្រុម Valencia បាន នោះពួកគេនឹងបានឡើងទៅកំពូលតារាងហើយ ព្រោះនៅយប់មិញនេះក្រុម Barcelona លេងបានត្រឹមស្មើក្រុម Real Sociedad ប៉ុណ្ណោះ។ កត្តានេះហើយ ទើបបានជាលោក Zidane បានបញ្ជាក់ថាជំនួបទល់ក្រុម Valencia ពិតជាសំខាន់ជាងជំនួប El Clasico ទៅទៀត។
Zidane បាននិយាយដូច្នេះថា៖ “ខ្ញុំមិនអាចនិយាយពីកម្មវិធីប្រកួតទេ ព្រោះមិនមែនជាការងាររបស់ខ្ញុំ។ ខ្ញុំតែងតែផ្ដោតលើការប្រកួតនៅចំពោះមុខ ជាងការប្រកួតបន្ទាប់ ព្រោះយើងចង់ឈ្នះវាសិន។ ប្រសិនបើខ្ញុំនិយាយថាប៉ះ Barcelona សំខាន់ជាងប៉ះ Valencia នោះ ខ្ញុំនិយាយខុសហើយ”៕
ប្រភព៖ Marca