លោក Pep នៅតែមានទំនុកចិត្តលើកូនក្រុមរបស់ខ្លួន ថានឹងអាចឈ្នះគ្រប់ការប្រកួតទាំងអស់ដែលនៅសល់ ដើម្បីមានសង្ឃឹមលើកពានរង្វាន់លីគកំពូលអង់គ្លេសជាលើកទី៣។
ក្រុម Manchester City នឹងត្រូវតតាំងជាមួយក្រុម Newcastle United នៅយប់ម៉ោង៧:៣០នាទីនេះ ដើម្បីស្វែងរក៣ពិន្ទុបន្ថែមក្នុងពានរង្វាន់លីគកំពូលអង់គ្លេស។ មុនការប្រកួតនេះចាប់ផ្ដើម លោក Pep បានតឿនដល់សមាជិកក្រុមថាមិនត្រូវមើលស្រាលគូប្រជែងនោះទេ។ កីឡាករទាំងអស់ត្រូវលេងតាមក្បួនហ្វឹកហាត់ និងយក៣ពិន្ទុឱ្យបាន។
លោក Pep បានបន្ថែមថាក្រុម Man City ត្រូវតែផ្ដោតអារម្មណ៍និងប្រឹងប្រែងគ្រប់ប្រកួត ដូចប្រកួតផ្ដាច់ព្រ័ត្រ។ ប្រសិនបើពួកគេអាចធ្វើបាន និងឈ្នះគ្រប់ការប្រកួតដែលនៅសល់ នោះឱកាសប្រជែងពានរង្វាន់ក៏នៅតែមានដែរ។ បច្ចុប្បន្នក្រុមរបស់លោក នៅក្រោមក្រុម Liverpool ៩ពិន្ទុ៕ប្រភព៖ Dailymail