តាមរបាយការណ៍ចុងក្រោយបានចុះផ្សាយថាលោក Jose Mourinho បានសម្លឹងឃើញពីគុណភាពលេងរបស់ Bruno Fernandes និងចង់នាំកីឡាករព័រទុយហ្គាល់រូបនេះចេញពីក្លឹប Sporting CP។
កន្លងទៅលោក Mourinho ក៏ទើបតែច្រានចោលព័ត៌មានដែលថាលោកចង់បាន Zlatan ហើយបុរសវ័យ ៥៦ ឆ្នាំទំនងជាចាប់ចិត្តលើកីឡាករវ័យក្មេង Fernandes នេះច្រើនជាង។ នេះបើតាមសារព័ត៌មាន 90min បានចុះផ្សាយ។
រំឭកថា Fernandes ក៏ធ្លាប់រងការចង់បានពីក្លឹប Manchester United និងបណ្តាក្លឹបជាច្រើនផងដែរកាលពីពេលកន្លងមក ក្រោយមើលឃើញពីភាពលេចធ្លោអំឡុងជួយឲ្យព័រទុយហ្គាល់ឈ្នះពាន UEFA Nations League ក្រោយយកឈ្នះហូឡង់៕ ប្រភព៖ Sportsmole