Cristiano Ronaldo រកបាន៤គ្រាប់ហើយឱ្យក្រុមព័រទុយហ្គាល់នៅការប្រកួតជម្រុះ Euro 2020 ហើយក៏ជួយក្រុមបានឡើងទៅជុំចុងក្រោយផងដែរ។
នៅជម្រើសជាតិ Ronaldo បានចូលលេងជាប់រហូត ខណៈដែលនៅក្លឹប Juventus វិញ រូបគេមិនអាចលេងបានពេញ៩០នាទីឡើយ ដោយលោក Sarri បានប្ដូរចេញ២ប្រកួតទៅហើយ។ ចំពោះរឿងនេះដែរ រូបគេបានបង្ហាញកាយវិការគួរឱ្យសង្ស័យចំពោះអ្នកគាំទ្រ ប៉ុន្តែក៏មិនអន់ចិត្តអ្វីលើការសម្រេចចិត្តរបស់លោក Sarri ឡើយ ព្រោះសាមីខ្លួនបង្ហើបថាពិតជាមានរបួសនិងមិនទាន់ជា១០០%មែន។
កីឡាកររកបាន៩៩គ្រាប់ឱ្យជម្រើសជាតិព័រទុយហ្គាល់ខាងលើបាននិយាយថា៖ “៣សប្ដាហ៍កន្លងមក ខ្ញុំលេងទាំងមិនទាន់ជា១០០%។ ខ្ញុំមិនចូលចិត្តការប្ដូរចេញឡើយ ប៉ុន្តែការលេងទាំងមិនទាន់ជាមិនល្អទេ។ ខ្ញុំចង់ជួយ Juventus ខ្ញុំយល់ពីការប្ដូរចេញ ព្រោះខ្ញុំមិនទាន់ជាពេញលេញ។ ហើយ២ប្រកួតជាមួយព័រទុយហ្គាល់នេះ ខ្ញុំក៏មិនទាន់ពេញល្អដែរ”៕ប្រភព៖ Marca