លោក Riccini ដែលដឹកនាំក្រុមយុវជន Tuscany-based Invictasauro យកឈ្នះក្រុម Marina Calcio ២៧-០ កាលពីពេលកន្លងទៅនេះ ត្រូវបណ្ដេញចេញពីតំណែងហើយ ព្រោះហេតុផលមិនផ្ដល់ការគោរពដល់ដៃគូ។
ក្រុម Tuscany ជាក្រុមកំពូលតារាងក្នុងកម្រិតយុវជននៅប្រទេសអ៊ីតាលី។ ពួកគេ ទើបតែយកឈ្នះលើក្រុមMarina Calcio ២៧-០ កាលពីពេលកន្លងទៅ ប៉ុន្តែគួរឱ្យសោកស្ដាយលទ្ធផលនេះ បែរជាធ្វើឱ្យគ្រូបង្វឹករបស់ពួកគេបាត់តំណែងទៅវិញ។ ប្រធានក្លឹប Tuscany បានប្រាប់ថា ការស៊ីដៃគូដល់ទៅ២៧គ្រាប់នេះ បានបង្ហាញការមិនផ្ដល់តម្លៃនិងគោរពឡើយ ដូច្នេះហើយទើបថ្នាក់ដឹកនាំសម្រេចចិត្តបណ្ដេញគ្រូបង្វឹក Riccini ចោលតែម្ដង។
ប្រធានក្លឹបខាងលើក៏បានសរសេរលិខិតសុំទោសទៅខាងថ្នាក់ដឹកនាំក្រុម Marina ផងដែរ ចំពោះលទ្ធផលខាងលើនេះ។ ដោយលោកបានបញ្ជាក់ថាកម្រិតយុវជននេះ គឺចង់ឱ្យពួកគេយល់ពីតម្លៃគ្នា និងភាពជាបាល់ទាត់ មិនមែនចង់បំបាក់មុខអ្វីឡើយ៕ប្រភព៖ Thesun
