ខ្សែប្រយុទ្ធ Griezmann ថាខ្លួនដឹងមុនទៅហើយថាមកលេងនៅក្រុម FC Barcelona នឹងមិនងាយស្រួលសម្របខ្លួននោះទេ ព្រោះក្រុមនេះមានការប្រកួតប្រជែងខ្ពស់។
អតីតកីឡាករ Atletico Madrid លេងបានល្អនៅក្រុមជម្រើសជាតិបារាំង ប៉ុន្តែមិនទាន់បានបង្ហាញសមត្ថភាពលេចធ្លោនៅក្រុមអាជីព Barcelona នោះទេ។ ជាមួយនឹងរឿងនេះដែរ Griezmann បាននិយាយដូច្នេះថា៖ “ខ្ញុំបានរៀនសូត្រច្រើន ខ្ញុំដឹងថាទៅលេងនៅ Barcelona នឹងពិបាក។ ខ្ញុំលេងប្រយុទ្ធកណ្ដាលច្រើនឆ្នាំ ហើយទៅក្លឹបថ្មី ខ្ញុំប្ដូររបៀបលេង ដូច្នេះត្រូវការពេលដើម្បីពង្រឹងបន្ថែម”។
លោក Valverde មិនសូវដាក់ Griezmann ជាប់ជម្រើស១១នាក់ដំបូងទេ នៅប៉ុន្មានប្រកួតមកនេះ ដោយសារតែរូបគេលេងមិនទាន់បានល្អនៅឡើយជាមួយក្រុមនៅតំបន់ប្រយុទ្ធ៕ប្រភព៖ Marca
