• គ្រូ UAE ​ថា​វៀតណាម ​ជា​ដៃ​គូ​ស្វិតស្វាញ​ជាង​ថៃ​ទៅ​ទៀត​នៅ​ពូល G ​

    ក្រុម​អារ៉ាប់​រួម ​នឹង​ត្រូវ​ប៉ះ​ក្រុម​ម្ចាស់​ផ្ទះ​វៀតណាម ​នៅ​ម៉ោង​៨​យប់​នេះ ​ក្នុង​ការ​ប្រកួត​សន្សំ​ពិន្ទុ​ពូល G ​ពាន​រង្វាន់ FIFA World Cup 2022 ​។

    ការ​ប្រកួត​នេះ ​ក្រុម UAE ​ត្រូវ​ការ​ឈ្នះ​ដាច់​ខាត ​ព្រោះ​ពួកគេ​ទើប​បរាជ័យ​ក្រោម​ថ្វី​ជើង​របស់​ក្រុម​ថៃ​កាល​ពី​ប្រកួត​កន្លង​ទៅ ​២-១។ ​ប្រសិន​បើ​ភ្លាត់​ចាញ់​វៀតណាម​ទៀត ​នោះ​ឱកាស​ក្នុង​ការ​ឡើង​ទៅ​វគ្គ​បន្ដ​កាន់​តែ​ពិបាក​ទៅ​ហើយ។ មុន​ការ​ប្រកួត​នេះ​ចាប់​ផ្ដើម ​លោក Bert van Marwijk ​គ្រូ​បង្វឹក​ក្រុម UAE ​បាន​បញ្ជាក់​ថា​ក្រុម​វៀតណាម គឺ​ជា​ក្រុម​គ្រោះ​ថ្នាក់​ជាង​គេ​ក្នុង​ពូល​នេះ។ លោក​បាន​តាមដាន​ការ​លេង​របស់​វៀតណាម ​ពិត​ជា​ល្អ។ ពួកគេ​មាន​ទំនុក​ចិត្ត​និង​ក្បួន​លេង​ច្បាស់​លាស់។

    ដោយ​ឡែក​សម្រាប់​លោក Park Hang-seo គ្រូ​បង្វឹក​ក្រុម​វៀតណាម​វិញ​ក៏​បាន​បញ្ជាក់​ដែរ​ថា​ទម្រង់​លេង​របស់ UAE ​គឺ​ផ្ដោត​លើ​ប្រព័ន្ធ​ការពារ​ច្រើន ​រួច​ទើប​វាយ​បក​តាម​ក្រោយ។ ​នេះ​ជា​យុទ្ធសាស្ត្រ​របស់​លោក Bert van Marwijk ​ដែល​ធ្លាប់​ធ្វើ​បាន​ជោគជ័យ​កាល​ដឹក​នាំ​ក្រុម​ជម្រើស​ជាតិ​ហុល្លង់​ឡើង​ដល់​វគ្គ​ផ្ដាច់ព្រ័ត្រ FIFA World Cup 2010 ។ ការ​លេង​ទប់​សិន​នេះ គឺ​ជា​ក្បួន​ដែល​លោក Bert ​មើល​ទម្រង់​លេង​ដៃ​គូ​ឱ្យ​យល់​ច្បាស់​សិន ទើប​ធ្វើ​ការ​វាយ​សម្រុក​វិញ​តាម​ក្រោយ៕ប្រភព៖ Vnexpress


    ភ្ជាប់ទំនាក់ទំនងជាមួយ CTS SPORT