អ្នកគាំទ្រជម្រើសជាតិបារាំង ចាប់ផ្ដើមចង់ឃើញខ្សែប្រយុទ្ធ Karim Benzema ជាប់ជម្រើសជាតិវិញ ក្រោយពីខកខានតាំងពីឆ្នាំ ២០១៥មក។
ខ្សែប្រយុទ្ធវ័យ៣១ឆ្នាំកំពុងលេងបានយ៉ាងល្អឱ្យក្រុម Real Madrid នារដូវកាលនេះ ដោយរកបាន១១គ្រាប់ក្នុងការបង្ហាញខ្លួន១៥ប្រកួត។ យ៉ាងណាមិញ រូបគេនៅតែមិនត្រូវបានគ្រូបង្វឹកជម្រើសជាតិបារាំងកោះហៅចូលលេងជម្រើសជាតិដដែល ដោយសារតែបញ្ហាផ្លូវភេទបែកធ្លាយនៅឆ្នាំ២០១៥។
ដោយឡែកនៅពេលនេះកាសែតនៅបារាំង ចាប់ផ្ដើមចុះផ្សាយនិងចង់ឱ្យលោក Didier Deschamps ផ្ដល់ឱកាសដល់ខ្សែប្រយុទ្ធខាងលើម្ដងទៀត ត្បិតអីអតីតកាលនោះវាយូរណាស់ហើយដែរ។ ពួកគេបានយក Benzema នេះ ថាល្អជាង Griezmann និង Giroud ទៅទៀត ដូច្នេះហើយគួរតែយកនិងផ្ដល់ឱកាសឱ្យគេបានចូលលេងជួយជាតិផង៕ប្រភព៖ Dailymail