ក្លឹប Arsenal បានរងបរាជ័យទល់ Leicester City កាលពីចុងសប្ដាហ៍កន្លងទៅ ដែលនេះកាន់តែរុញឲ្យកៅអីរបស់អ្នកចាត់ការលោក Unai Emery ហាក់បន្ថែមភាពក្ដៅគគុកឡើង។ នៅ ៦ ប្រកួតចុងក្រោយរបស់កាំភ្លើងធំ ក្លឹបទទួលបានជ័យជម្នះតែមួយលើកគត់ សព្វថ្ងៃកំពុងឈរនៅចំណាត់ថ្នាក់ទី ៦ ក្នុងតារាង Premier League។
តាមរបាយការណ៍ពី Evening Standard បានចុះផ្សាយថាក្រុមប្រឹក្សាភិបាលរបស់ក្លឹបពិភាក្សារួចរាល់ហើយ ថាដាក់កំហិតសម្រាប់លោក Emery ជុំវិញការស៊ីសងលើលទ្ធផលនៃ ៦ ប្រកួតបន្ទាប់ទៀតតែប៉ុណ្ណោះ។
ក្នុងនោះរួមមានដូចជាការត្រូវប៉ះ Southampton, Frankfurt, Norwich City, Brighton, West Ham និង Standard Liege។ ប្រសិនណាលទ្ធផលចេញមកមានភាពអវិជ្ជមាន នោះកៅអីអ្នកចាត់ការគឺនឹងមានការផ្លាស់ប្តូរជាចាំបាច់។
គួររំឭកថាក្រៅពីការធ្លាក់ចុះទម្រង់លេងលើទីលានប្រកួត ទៀតសោត Emery ក៏កំពុងជួបបញ្ហារកាំរកូសជាមួយនឹងកូនក្រុមគឺ Granit Xhaka និង Mesut Ozil ផងដែរ៕ ប្រភព៖ Sportsmole