Super Sunday ដែលជាជំនួបដ៏កក្រើកប្រចាំថ្ងៃអាទិត្យបានឈានចូលមកដល់នៅសប្តាហ៍នេះ គឺរវាងក្រុមហង្សក្រហម Liverpool និង Manchester City ដែលជាក្រុមខ្លាំងកំពុងលេចធ្លោបំផុតពីរនៅក្របខ័ណ្ឌ Premier League។
សម្រាប់ក្រុម Man City បានប្រឈមនឹងបាត់បង់កីឡាករសំខាន់ Ederson នៅតំណែងអ្នកចាំទី បន្ទាប់ពីរូបគេនៅប្រកួតទល់ Atalanta យប់មិញ ហាក់ជួបបញ្ហារបួសផ្នែកសាច់ដុំ ខកខានចូលរួមលេងនៅតង់ទីពីរ។
លោក Pep បានបង្ហើបទាំងមិនប្រាកដប្រជាថា៖ “ពេលនេះខ្ញុំមិនដឹងអ្វីនោះទេ ដោយវាជាបញ្ហាផ្នែកសាច់ដុំ មើលទៅវាមិនធំទេ តែយើងក៏ផ្លាស់ប្តូរ Ederson ចេញ ព្រោះបញ្ចៀសហានិភ័យខ្ពស់”។
លោកបន្តថា៖ “គាត់មានអារម្មណ៍មិនសូវស្រួលនៅចុងតង់ទីមួយ បែបហ្នឹងហើយទើបយើងសម្រេចផ្លាស់គាត់ចេញ តែមកទល់ពេលនេះស្ថានភាពបែបណាគឺយើងមិនទាន់ដឹងឡើយ”៕ ប្រភព៖ BeSoccer