Rodrigo Bentancur បាននឹងកំពុងក្លាយជារ៉ាដាដ៏សំខាន់មួយដែលស្ថិតក្រោមការចង់បានពីសំណាក់ក្លឹបកំពូលៗដូចជា Man City និង Barcelona។ ថ្មីៗនេះក្លឹប Juventus ក៏បានប្រកាសចេញតម្លៃខ្លួនសម្រាប់កីឡាកររូបនេះហើយ ពោលគឺថ្លៃ ៤៥ លានអឺរ៉ូ។
បុរសសញ្ជាតិអ៊ុយរុយហ្គាយដែលមានវ័យ ២២ ឆ្នាំ បានមកចូលរួមនៅ Turin តាំងពីរដូវក្តៅឆ្នាំ ២០១៧ គ្រានោះ Juve ចាយអស់ប្រមាណ ១២,៥ លានអឺរ៉ូ ពេលទិញចេញពី Boca Juniors របស់អាហ្សង់ទីន។
Bentancur បង្ហាញខ្លួនបា ៤០ ប្រកួតរដូវកាលមុន ដោយរកបាន ២ គ្រាប់និង Assist ៣ លើក តែរដូវកាលថ្មីនេះហាក់មិនសូវបានលេចមុខទាល់តែសោះ ក្រោមចំណាត់ការរបស់លោក Maurizio Sarri។ នៅតំបន់បម្រើរបស់ Juve ហាក់មានភាពកកស្ទះខ្លាំង ដោយមានជម្រើសច្រើនដូចជា Ramsey, Matuidi, Can, Rabiot, Khedira, Pjanic និង Bentancur បែបនេះការចាកចេញខ្លះអាចកើតមាននៅឆ្នាំក្រោយ៕ ប្រភព៖ AF