ខ្សែប្រយុទ្ធ Mauro Icardi បានបញ្ជាក់ថាខ្លួននឹងប្រឹងប្រែងគ្រប់បែបយ៉ាងដើម្បីរក្សាខ្លួនលេងឱ្យក្រុម PSG ទៀតនារដូវកាលក្រោយ ព្រោះមិនចង់ទៅ Inter Milan វិញទេ។
ខ្សែប្រយុទ្ធសញ្ជាតិអាហ្សង់ទីនខាងលើនេះ ត្រូវបានក្លឹប PSG ខ្ចីជើងពី Inter Milan មកកាលពីរដូវក្ដៅកន្លងទៅ។ លេងនៅបារាំងនេះ Icardi ធ្វើបានយ៉ាងល្អ ដោយតែងតែរកគ្រាប់បាល់បានជានិច្ច និងទទួលបាននាទីលេងទៀងទាត់ថែមទៀត។ កត្តានេះហើយ ទើបបានជារូបគេ ចង់បន្ដលេងនៅទីនេះតែម្ដង មិនចង់ត្រលប់ទៅអ៊ីតាលីវិញឡើយ។
កីឡាករវ័យ២៦ឆ្នាំបាននិយាយដូច្នេះថា៖ “យើងនឹងឃើញនៅពេលចប់រដូវកាលនេះ។ ខ្ញុំចង់ធ្វើឱ្យបានល្អបំផុត ខ្ញុំមកទីនេះដើម្បីលេង ហើយបានលេងឱ្យ PSG គឺជារឿងល្អបំផុត។ PSG ជាក្រុមល្អបំផុតមួយនៅលើលោក”។ Icardi ចូលលេងឱ្យក្រុមរបស់លោក Thomas Tuchel ៨ប្រកួត រកបាន៧គ្រាប់ និងបញ្ជូនបាល់ឱ្យមិត្តរួមក្រុមបាន១គ្រាប់ផងដែរ៕ប្រភព៖ Dailymail
