ក្រោយបិទការប្រកួតយកឈ្នះទៅលើ Norwich City នៅយប់មិញ អ្នកចាត់ការលោក Ole Gunnar Solskjaer បានបញ្ជាក់ជុំវិញស្ថានភាពរបួសរបស់តារាឆ្នើម Paul Pogba សារជាថ្មី។
ខ្សែបម្រើបារាំងដែលជួបបញ្ហារបួសធ្ងន់ធ្ងរនៅផ្នែកកជើង ត្រូវបានលោក Ole បង្ហើបថាអាចនឹងឃើញវត្តមានរបស់គេសារជាថ្មី នៅក្នុងខែធ្នូ ចុងឆ្នាំ ២០១៩ នេះ។ លោក Ole មានប្រសាសន៍ថា៖ “ខ្ញុំមិនគិតថាអ្នកអាចឃើញ Pogba ចូលលេងមុនខែធ្នូនោះទេ ដោយពេលប៉ះ Sheffield United (ថ្ងៃទី ២៤ វិច្ឆិកា) ក៏អាចប្រហែលដែរ តែភាគរយច្រើនគឺនៅខែធ្នូ”។
លោកសង្កត់ធ្ងន់ថា៖ “វារបួសនៅផ្នែកកជើង តែខ្ញុំមិនមែនជាគ្រូពេទ្យនោះទេដែលអាចដឹងច្បាស់រឿងនេះ ហើយជាធម្មតារបួសគឺត្រូវការការព្យាបាលអ៊ីចឹងហើយ”៕