Harry Kane ប្រធានក្រុម Spurs បានបង្ហើបថាខ្លួនមិនដែលភ្លេច ការប្រកួតវគ្គផ្ដាច់ព្រ័ត្រពានរង្វាន់ UEFA Champions League ជាមួយក្រុម Liverpool នោះទេ។ក្រុម Spurs នឹងត្រូវទៅលេងនៅក្នុងដីក្រុម Liverpool ពានរង្វាន់ English Premier League នៅម៉ោង១១:៣០នាទីយប់នេះ។ ការប្រកួតនេះដែរ នឹងកាន់តែជក់ចិត្តមិនខាន ត្បិតអីវាអាចជាការសងសឹកវិញរបស់ក្រុម Spurs ដែលចាញ់ក្រុមហង្សក្រហមនេះ កាលនៅ UCL វគ្គផ្ដាច់ព្រ័ត្រ។
Kane ដែលជាខ្សែប្រយុទ្ធសំខាន់ម្នាក់របស់ក្រុមមាន់ខ្នាយមាស បាននិយាយមុនការប្រកួតខាងលើនេះដែរថា៖ “យើងតែងតែធ្វើឱ្យក្រុមខ្លាំងៗពិបាកជានិច្ច ប៉ុន្មានឆ្នាំមកនេះ ទាំងនៅ Premier League និង Champions League ។ នេះជាអ្វីដែលយើងបានបង្ហាញ និងចង់ឈ្នះការប្រកួត ដើម្បីដល់ចំណុចកំពូល។ Liverpool ជាក្រុមល្អ ហើយខ្ញុំមិនដែលភ្លេចវាឡើយ។ យើងរំពឹងថាការប្រកួតនៅរាត្រីនេះ នឹងកាន់តែពិសេស ហើយទទួលបានលទ្ធផលផងដែរ”៕
ប្រភព៖ DailyMail