ខ្សែប្រយុទ្ធ Raheem Sterling រកបាន៣គ្រាប់ម្នាក់ឯង ឱ្យក្រុម Man City យកឈ្នះលើក្រុម Atalanta ៥-១ ក្នុងការប្រកួតពានរង្វាន់ UEFA Champions League យប់មិញនេះ។
ការប្រកួតយប់មិញ ក្រុមមកពីអ៊ីតាលីជាអ្នកនាំមុខក្រុម Man City ១គ្រាប់មុន នៅនាទី២៨ ដោយបាល់ប៉េណាល់ទី។ តែនៅនាទី៣៤ Aguero ក៏ដាក់បាន១គ្រាប់តាមស្មើវិញដែរ មុនពេលថែមគ្រាប់នាំមុខនៅនាទី៣៨។ ចូលដល់តង់ទី២វិញ ក្រុមម្ចាស់ផ្ទះ Man City កាន់តែវាយសម្រុកថែមទៀត រហូតនាទី៥៨ Sterling រកបាន១គ្រាប់ និងថែម២ទៀតនៅនាទី៦៤និង៦៩។
ការធ្វើបាន៣គ្រាប់ម្នាក់ឯងនាប្រកួតនេះដែរ ធ្វើឱ្យអ្នកគាំទ្រសរសើរយ៉ាងខ្លាំង។ ជាក់ស្ដែងសូម្បី Rio អតីតកីឡាករ Man Utd ក៏សរសើរកីឡាករអង់គ្លេសនេះដែរ។ លោកថា Sterling បានអភិវឌ្ឍខ្លួនលឿនណាស់។ បច្ចុប្បន្ននេះ គេជាខ្សែប្រយុទ្ធល្អមួយរូប ស្ថិតនៅ Top5 លើលោកនេះហើយ៕ប្រភព៖ Dailymail