១០ ប្រកួតចុងក្រោយនៃការប៉ះគ្នារវាងបិសាចក្រហម Manchester United និងហង្សក្រហម Liverpool គឺក្រុមរបស់លោក Jurgen Klopp បានស្គាល់ជ័យជម្នះតែ ១ លើកគត់ ពោលគឺការស៊ី ៣-១ នៅឯ Anfield កាលពីរដូវកាលមុន។
ការជួបគ្នានៅថ្ងៃអាទិត្យនេះ នឹងក្លាយជាជំនួបដ៏ក្តៅគគុកលើកទី ២៣១ រវាងក្រុមទាំងពីរ ដោយ United នាំជ័យជម្នះច្រើនជាងដល់ទៅ ៨៨ លើក។ បែបណាមិញមើលតាមការលេងជាក់ស្តែងនៅ ៥ ប្រកួតចុងក្រោយ ប្រវត្តិសាស្រ្តអាចនឹងកែប្រែនៅរាត្រីថ្ងៃអាទិត្យ ពោលគឺទម្រង់លេងរបស់ម្ចាស់ផ្ទះហាក់មានភាពចុះថមថយច្រើន ដោយឈ្នះ ១ ចាញ់ ២ ស្មើ ២ ខណៈហង្សឈ្នះទាំង ៥ លើក។
យោងតាម BeSoccer បានប៉ាន់ប្រមាណនូវជម្រើស ១១ រូបដែលអាចប៉ះគ្នាដូចខាងក្រោម៖
Manchester United: Romero; Wan-Bissaka, Lindelof, Maguire, Young; McTominay, Matic; Pereira, Mata, James; Rashford
Liverpool: Alisson; Alexander-Arnold, Matip, Van Dijk, Robertson; Henderson, Fabinho, Milner; Salah, Firmino, Mane