របាយការណ៍សារព័ត៌មាន Don Balon បានចុះផ្សាយថាកីឡាករ Lionel Messi បានទាក់ទងជាសម្ងាត់ជាមួយនឹងកីឡាករ Lautaro Martinez របស់ក្លឹប Inter Milan ដោយបញ្ចុះបញ្ចូលឲ្យរូបគេព្រមព្រៀងដើរចូលក្លឹប FC Barcelona ត្បិតមានការចាប់អារម្មណ៍ពីសំណាក់គូប្រជែងក្លឹប Real Madrid ក៏ដោយ។
ប្រភពបានឲ្យដឹងថា Martinez ដែលជាមិត្តរួមជម្រើសជាតិអាហ្សង់ទីនជាមួយ Messi បានទទួលការហៅចូលទូរសព្ទនៅសប្តាហ៍នេះ ដោយការសន្ទនារវាងអ្នកទាំងពីរគឺតារាឆ្នើមពាក់អាវលេខ ១០ ព្យាយាមបញ្ចុះបញ្ចូលឲ្យកីឡាករវ័យ ២២ ឆ្នាំព្រមមកចូលរួមនៅ Camp Nou នារដូវក្តៅ ជាជាងការចុះចូលនៅ Bernabeu។
Martinez បានផ្លាស់ទៅចូលរួមនៅក្លឹប Inter Milan នៅតម្លៃខ្លួន ១៤ លានអឺរ៉ូ ក្រោយចាកចេញពី Racing Club ហើយការបង្ហាញខ្លួន ៤៤ ប្រកួតសរុបនៅក្លឹបថ្មី រូបគេសម្រេចបាន ១២ គ្រាប់និង Assist ៣ លើករួចមកហើយ។
នារដូវកាល ២០១៩/២០ កីឡាករអាហ្សង់ទីនបង្ហាញទម្រង់លេងកាន់តែល្អជាមួយនឹង Inter ដោយ ៩ ប្រកួតសរុបទាំងនៅ Serie A និង UCL រកបាន ៣ គ្រាប់និង Assist បាន ១ លើក ហើយក្នុងនោះក៏មានចំណែកគ្រាប់បាល់ទល់ក្លឹបខ្លាំង Juventus ថែមទៀតផងដែរ៕ ប្រភព៖FoxSportAsia