លោក Jose Mourinho បានបដិសេធមិនព្រមទៅដឹកនាំក្រុម Lyon ក្នុងលីគកំពូលបារាំងឡើយ ក្រោយពីក្លឹបនេះទើបបណ្ដេញអ្នកចាត់ការចេញថ្មីៗនេះ។
ក្លឹប Lyon ទើបបណ្ដេញលោក Sylvinho ចេញពីតំណែង ក្រោយពីដឹកនាំក្រុមមិនបានល្អរដូវកាលនេះ ៩ប្រកួត ទើបបាន៩ពិន្ទុ។ នេះជាកំណត់ត្រាអាក្រក់បំផុតរបស់ Lyon ចាប់តាំងពីឆ្នាំ១៩៩៥មក ដូច្នេះហើយទើបថ្នាក់ដឹកនាំសម្រេចចិត្តដកអ្នកចាត់ការចោល។ ទន្ទឹមនឹងការដកនេះដែរ ពួកគេក៏បានទៅចរចាយកលោក Jose Mourinho មកដឹកនាំក្រុមដែរ ប៉ុន្តែត្រូវបដិសេធ។
ប្រភពនៅបារាំងបានបញ្ជាក់ថាលោក jose ក៏បានចរចាជាមួយថ្នាក់ដឹកនាំដែរ ប៉ុន្តែដោយសារមានលក្ខខណ្ឌជាច្រើនមិនត្រូវគ្នា ទើបលោកមិនព្រមមកដឹកនាំក្រុមនៅបារាំងមួយនេះ។ បច្ចុប្បន្ន Lyon កំពុងស្វែងរកអ្នកចាត់ការល្បីឈ្មោះមកស្រោចស្រង់ក្លឹបវិញ ហើយក្នុងនោះមានទាំងលោក Laurent Blanc អតីតអ្នកចាត់ការ PSG និងលោក Arsene Wenger អតីតអ្នកចាត់ការក្រុម Arsenal ផងដែរ៕ប្រភព៖ Bbc
