ត្បិត Alexis Sanchez មិនសូវបានបង្ហាញខ្លួនក្នុងការប្រកួតឲ្យក្លឹប Inter Milan ប៉ុន្តែតាមដំណឹងលេចលឺបុរសសញ្ជាតិឈីលីទំនងជាសម្របខ្លួនការលេងនៅអ៊ីតាលីបានល្អជាងការលេងនៅទឹកដីអង់គ្លេស។
ដោយមិនចង់ជាប់រឿងប្រេះស្រាំវែងឆ្ងាយតទៅទៀត ក្លឹបបិសាចក្រហមបានដាក់តម្លៃខ្លួន Sanchez មកហើយ សម្រាប់ក្លឹប Inter Milan។ United សុំទាមទារត្រឹម ២៥ លានអឺរ៉ូប៉ុណ្ណោះ ប្រសិន Inter ចង់ទិញផ្តាច់ខ្សែប្រយុទ្ធសញ្ជាតិឈីលីរូបនេះទៅចូលរួមនៅ Serie A ជាមួយកុងត្រាសេសសល់រយៈពេល ៣ ឆ្នាំ។
Sanchez ជាកីឡាករដែលស៊ីថ្លៃដល់ទៅ ៥០០ ០០០ អឺរ៉ូ/រដូវកាល ដោយសព្វថ្ងៃទាំងភាគីខាង United និង Inter ត្រូវចែកគ្នាបង់ពាក់កណ្តាលស្មើលើថ្លៃឈ្នួលនោះ។ យ៉ាងណាមិញប្រភពជិតស្និទ្ធរបស់ United បានប្រាប់ The Sun៖ “គោលបំណងនេះគឺយើងចង់ទាញថវិកាមកវិញខ្លះ ដើម្បីចំណាយទៅលើកុងត្រារបស់គាត់ ព្រោះក៏មានសង្ឃឹមដែល Inter ឬក្លឹបដទៃចង់បាន Sanchez នារដូវក្តៅខាងមុខផងដែរ”៕
ប្រភព៖ Metro