Martin Keown ជាអតីតកីឡាករអាជីពនៅជម្រើសជាតិអង់គ្លេសមួយរូប បានបង្ហាញការយល់ឃើញទាក់ទិននឹងប្រព័ន្ធលេងរបស់ក្លឹបកាំភ្លើងធំ Arsenal កាលពីយប់មិញ ដោយលោកបានលើកសរសើរដល់កីឡាករមួយរូបមិនដាច់ពីមាត់។
ក្រោយបញ្ចប់លទ្ធផល ១-១ លោក Keown បាននិយាយថា៖ “ក្រុម Arsenal មើលទៅដូចជាពួកគេទើបជីកបានត្បូងមួយគ្រាប់ដ៏មានតម្លៃ ដោយប្រសិនឲ្យខ្ញុំទាយថានរណាជាខ្សែប្រយុទ្ធស្លាបតម្លៃ ៧២ លានផោន ប្រហែលជាខ្ញុំរើសយក Saka ជាជាង Nicolas Pepe”។
លោកបន្តថា៖ “នេះហាក់ពុំបានផ្លែផ្កាច្រើនពីកីឡាករដែលទិញនៅរដូវក្តៅចេញពី Lille ទេ តែបែរជាលេចធ្លោចេញពីកីឡាករងើបចេញពីថ្នាលយុវជនទៅវិញ”។ បញ្ជាក់ថា Saka ជាអ្នក Assist បាល់ឲ្យ Aubameyang បំបែកគ្រាប់បាល់ស្មើនៅនាទី ៥៨៕ ប្រភព៖ AF