លោក Zidane បានដកឈ្មោះខ្សែប្រយុទ្ធ Gareth Bale និង James ចេញពីបញ្ជីឈ្មោះកីឡាករ Real Madrid ត្រៀមលេងទល់ក្រុម Club Brugge នៅយប់ម៉ោង១១:៥៥នាទីយប់នេះ។
ទន្ទឹមនឹងដកឈ្មោះកីឡាករសំខាន់២នាក់ចេញនេះដែរ Zidane ក៏បានដាក់ឈ្មោះ Isco និង Marcelo ចូលវិញផងដែរ។ កីឡាករទាំងពីរ២នាក់នេះ រងរបួស ត្រូវសម្រាកច្រើនថ្ងៃមកហើយ ដោយទើបអាចចូលហ្វឹកហាត់បានវិញ ហើយត្រៀមខ្លួនលេងនៅរាត្រីនេះតែម្ដង។ អ្នកចាត់ការសញ្ជាតិបារាំងបានបញ្ជាក់ថាលោកតែងតែពិបាកជានិច្ចក្នុងការជ្រើសរើសកីឡាករចូលលេង ត្បិតអីសមាជិកម្នាក់ៗ សុទ្ធតែលេងល្អដូចគ្នា។
ក្នុងការប្រកួតទល់ក្រុម Brugge នេះដែរ ក្រុម Real Madrid ត្រូវការជ័យជម្នះចាំបាច់បំផុត ព្រោះថាប្រកួតទី១កន្លងទៅ ពួកគេបានចាញ់ក្រុម PSG ដល់ទៅ ៣-០ ទៅហើយ៕ប្រភព៖ Marca
