ក្រុមបិសាចក្រហម Manchester United បានដាក់គោលដៅយក Mauricio Pochettino មកដឹកនាំក្រុម ប្រសិនបើលោក Ole ពិតជាត្រូវបណ្ដេញចេញពីតំណែងអ្នកចាត់ការមែន។
Mauricio Pochettino បច្ចុប្បន្នដឹកនាំក្រុម Spurs មិនបានល្អឡើយ រហូតមានដំណឹងថាថ្នាក់ដឹកនាំក្រុមនេះ កំពុងទាក់ទងលោក Allegri មកជំនួសតំណែងថែមទៀតផង។ ជាមួយការរឿងនេះដែរ នៅថ្ងៃនេះស្រាប់តែមានដំណឹងមកថាក្រុម Man Utd ឯណោះក៏មិនពេញចិត្តការដឹកនាំក្រុមរបស់លោក Ole ដែរ។ ប្រសិនបើលទ្ធផលមិនគាប់ប្រសើរតែប៉ុន្មានប្រកួតទៀតនោះ ក្រុមបិសាចក្រហមនឹងរកអ្នកចាត់ការថ្មីហើយ។
បុរសម្នាក់ដែលក្រុម Man Utd ចង់យកមកដឹកនាំក្រុមនេះគឺលោក Pochettino អ្នកចាត់ការក្រុម Spurs ផ្ទាល់តែម្ដង។ អ្នកចាត់ការសញ្ជាតិអាហ្សង់ទីននេះ ត្រូវក្រុម Man Utd ចង់បានមកដឹកនាំក្រុមតាំងពីពួកគេបណ្ដេញលោក Jose Mourinho ពីតំណែងម្ល៉េះ ប៉ុន្តែនៅគ្រានោះមិនអាចយកមកបាន។ ស្របពេលបច្ចុប្បន្ន Spurs កំពុងចង់បានគ្រូថ្មីផង វាអាចជាឱកាសល្អមួយទៀតសម្រាប់បិសាចក្រហមហើយ៕
ប្រភព៖ DailyMail