• Messi ​៖ របួស​២​ខែ ធ្វើ​ឱ្យ​ខ្ញុំ​លេង​មិន​ទាន់​ល្អ​ឡើង​វិញ​ទេ​

    ខ្សែ​ប្រយុទ្ធ Lionel Messi ​បាន​បញ្ជាក់​ថា​ខ្លួន​លេង​នៅ​មិន​ទាន់​ល្អ​ឡើង​វិញ​ទេ ​ដោយសារ​តែ​របួស​យូរ​ពេក​រហូត​ដល់​២​ខែ ​ដោយ​មិន​បាន​ប៉ះ​បាល់​សោះ។

    Messi ​បាន​ឈ្នះ​ពាន​រង្វាន់​កីឡាករ​ល្អ​របស់ FIFA ​នៅ​យប់មិញ​នេះ ​ដោយ​ឈ្នះ Van Dijk ​និង Ronaldo ​។ ក្នុង​ឱកាស​នោះ​ដែរ Messi ​បាន​និយាយ​ថា​ខ្លួន​ចាប់​ផ្ដើម​រដូវ​កាល​ថ្មី​នេះ​មិន​ល្អ​ឡើយ ​ហើយ​ក្រុម Barcelona ​ក៏​ចាប់​ផ្ដើម​រដូវ​កាល​មិន​គាប់​ប្រសើរ​ថែម​ទៀត។ កត្តា​ដែល​រូបគេ​លេង​មិន​ល្អ​ប្រកួត​កន្លង​មក​នេះ គឺ​ដោយសារ​តែ​របួស​រយៈ​ពេល​២​ខែ ធ្វើ​ឱ្យ​ខ្លួន​នៅ​ស្ពឹក​ស្រពន់​នៅ​ឡើយ ​មិន​ទាន់​អាច​ត្រលប់​ទៅ​រក​ភាព​ដើម​វិញ​បាន​១០០​%។

    យ៉ាងណាមិញ ​កីឡាករ​អាហ្សង់ទីន​សន្យា​នឹង​អ្នក​គាំទ្រ​ថា​ក្រុម Barcelona ​នឹង​លេង​ល្អ​ឡើង​វិញ ​ហើយ​នឹង​ទទួល​បាន​ជ័យជម្នះ​នា​ប្រកួត​ខាង​មុខ​ទៀត។ ហើយ​ខ្លួន​គេ ​ក៏​នឹង​អាច​ជួយ​ក្រុម​ពេញលេញ ក្រោយ​របួស​ជា​សះស្បើយ​នេះ​ដែរ៕ប្រភព៖ Marca


    ភ្ជាប់ទំនាក់ទំនងជាមួយ CTS SPORT