ក្លឹប Partizan Belgrade បានក្មេងៗអាយុក្រោម១៤ឆ្នាំ ២២ ០០០នាក់ ចូលមើលការប្រកួតរបស់ពួកគេនៅពានរង្វាន់ Europa League ទល់ក្រុម AZ Alkmaar។
ការឱ្យក្មេងៗសុទ្ធចូលមើលនេះដែរ គឺដោយសារតែក្រុម Partizan នេះ ត្រូវជាប់ពិន័យលេងបិទទ្វា២ប្រកួត ក្រោយពីអ្នកគាំទ្ររបស់ពួកគេបានបង្ហាញភាពរើសអើងជាតិសាសន៍កាលពីប្រកួតរដូវកាលមុន។ ដោយសារតែត្រូវលេងបិទទ្វា តែបើឱ្យក្មេងក្រោមអាយុ១៤ឆ្នាំអាចចូលមើលបាន ទើបក្លឹបមួយនេះសម្រេចហៅសិស្សតាមសាលានានា រួមជាមួយគ្រូរបស់ពួកគេផង ដើម្បីមកលើកទឹកចិត្តក្រុមតែម្ដង។
ជាលទ្ធផលក្នុងការប្រកួតស្មើក្រុម AZ Alkmaar ២-២ នេះ មានអ្នកគាំទ្រក្រោមអាយុ១៤ឆ្នាំនេះចូលមើលរហូតដល់២២ ០០០នាក់ឯណោះ។ ដោយក្លឹបជាអ្នករ៉ាប់រងការធ្វើដំណើរ អាហារ ទឹក ដល់ក្មេងៗទាំងអស់ដែលត្រូវអញ្ជើញមកមើលការប្រកួតនេះ៕ប្រភព៖ Bbc