ក្រុម Real Madrid នឹងអវត្តមានខ្សែការពារស្លាប Marcelo ក្នុងការប្រកួតទល់ក្រុម PSG នៅយប់ស្អែកនេះ ដោយសារតែរូបគេមានបញ្ហារបួសក។
របួសនេះកើតឡើងអំឡុងពេល Marcelo លេងក្នុងប្រកួតទល់ក្រុម Levante កន្លងទៅនេះ។ អវត្តមានរបស់កីឡាករប្រេស៊ីល គឺជាឱកាសមួយសម្រាប់ Ferland Mendy បង្ហាញសមត្ថភាពរបស់ខ្លួន ព្រោះតាំងពីក្រុម Real Madrid ទិញចូលមក រូបគេបានរងរបួសមិនសូវបានចូលលេងឡើយ។ គិតទាំង Marcelo ម្នាក់ទៀត ក្រុមរបស់លោក Zidane អវត្តមានកីឡាករសំខាន់ដល់ទៅ៥នាក់ហើយ ដោយ៤នាក់ទៀតរួមមាន Isco , Modric, Valverde និង Asensio ។
សម្រាប់ PSG វិញ លេងទល់ក្រុម Real Madrid ក៏អវត្តមានកីឡាករសំខាន់នៅតំបន់ខាងលើផងដែរ។ ក្នុងនោះ Neymar ជាប់បម្រាម និង Mbappe រងរបួស។ ដោយឡែក Cavani វិញ ក៏មិនទាន់ច្បាស់ថាបានលេងឬអត់ដែរ ដោយសារមានរបួសដែរ៕ប្រភព៖ Marca