ក្រុម PSG នឹងប្រកួតទល់ក្រុម Real Madrid ដោយអវត្តមាន Neymar និង Mbappe នៅពានរង្វាន់ UEFA Champions League បើកឆាកសន្សំពិន្ទុតាមពូល។
មុនការប្រកួតសំខាន់នេះដែរ ម្ចាស់ផ្ទះ PSG បានបាត់បង់កីឡាករសំខាន់របស់ខ្លួន២នាក់ខាងលើទៅហើយ ដោយ Neymar ចាប់បម្រាម ខណៈដែល Mbappe រងរបួស។ បម្រាមរបស់ Neymar នេះ គឺមាន៣ប្រកួតឯណោះនៅពានរង្វាន់ UEFA Champions League នេះ។ របួសសរសៃពួរ Mbappe នឹងធ្វើឱ្យគេអវត្តមានទល់ Real Madrid ស្របពេល Cavani ឯណោះវិញ ក៏អាចនឹងមិនទាន់ជាសះស្បើយពេញលេញដែរ។
ដូច្នេះការអវត្តមានកីឡាករតំបន់ខាងលើនេះ នឹងធ្វើឱ្យក្រុម PSG ពិបាកក្នុងការប្រកួតទល់ក្រុមមកពីអេស្ប៉ាញ។ ក្រុមអ្នកមានបារាំងនេះ នឹងប្រើប្រាស់កីឡាករចំណូលថ្មី Icardi មកលេងប្រយុទ្ធតែម្ដង៕ប្រភព៖ Marca