ខ្សែប្រយុទ្ធ Neymar បានបង្ហាញខ្លួនលើទីលានឱ្យក្រុម PSG វិញហើយ ក្រោយពីការព្យាយាមផ្ទេរទៅកាន់ក្រុម Barcelona មិនជោគជ័យ។ការបង្ហាញខ្លួនជាថ្មីនេះដែរ កីឡាករប្រេស៊ីលក៏រកបាន១គ្រាប់ឱ្យក្រុម PSG យកឈ្នះលើក្រុម Strasbourg ដែរ ប៉ុន្តែត្រូវបានអ្នកគាំទ្រក្លឹបស្ដីបន្ទោស និងតិះដៀលខ្លាំងណាស់។ សាមីខ្លួន Neymar បាននិយាយក្រោយចប់ការប្រកួតថា៖ “ខ្ញុំបានបង្ហាញយ៉ាងច្បាស់ ហើយអ្នកគ្រប់គ្នាសុទ្ធតែដឹងថាខ្ញុំចង់ចាកចេញ។ ខ្ញុំមិននិយាយស៊ីជម្រៅទេ ខ្ញុំបានព្យាយាមអស់ពីសមត្ថភាពដើម្បីទៅ តែក្រុម PSG មិនអនុញ្ញាត។ពេលនេះខ្ញុំនៅតែជាកីឡាករ PSG ហើយខ្ញុំកំពុងរីករាយក្នុងការលេងលើទីលាននេះ”។
កីឡាករប្រេស៊ីលខាងលើចង់ផ្លាស់ទៅលេងនៅក្រុម Barcelona វិញ រដូវកាលនេះ ប៉ុន្តែមិនបានសម្រេច ដោយសារតែក្រុមទាំងពីរចរចាគ្នាមិនត្រូវលើតម្លៃខ្លួន។ ក្រុម PSG បានបញ្ជាក់ក្រុមអ្នកមានបុណ្យហាក់មិនចង់បាន Neymar ឡើយ ទើបការចរចាមិនសម្រេចបាន១០០%៕
ប្រភព៖ Marca