ខ្សែបម្រើប្រយុទ្ធ James Rodriguez រំពឹងថារដូវកាលនេះ នឹងក្លាយជារដូវកាលល្អបំផុតរបស់រូបគេលេងឱ្យក្រុម Real Madrid ក្រោយពីទើបត្រលប់ពី Bayern Munich មក។
James មិនសូវមានឱកាសបានលេងឡើយនៅក្រុម Real Madrid រហូតដល់ត្រូវក្លឹប Bayern Munich ខ្ចីជើង ទើបតែត្រលប់មកវិញនារដូវកាលនេះទេ។ កីឡាករកូឡុំប៊ីរូបនេះ ក៏ត្រូវបានលោក Zidane ផ្ដល់ទំនុកចិត្តឡើងវិញ ហើយក៏បានជាប់ឈ្មោះចូលលេងប្រកួតកន្លងមកផងដែរ តែលទ្ធផលឃើញថាមិនល្អខ្លាំងឡើយ។
ជាមួយការត្រលប់មកវិញនេះដែរ James បាននិយាយថារូបគេរំពឹងខ្ពស់នេះជារដូវកាលល្អបំផុតរបស់ខ្លួននៅក្លឹប Real Madrid ។ បើទោះជាមិនអាចធានាកៅអីជម្រើស១១នាក់ដំបូងបានក៏ដោយ ប៉ុន្តែរូបគេនឹងប្រឹងប្រែងជួយក្រុមឱ្យជោគជ័យនារដូវកាលនេះ ឱ្យបាន៕ប្រភព៖ Marca
