លោក Park Hang-seo នឹងត្រូវដឹកនាំក្រុមនាគមាសវៀតណាមចូលតតាំងក្រុមដំរីថៃនៅវគ្គជ្រុះ FIFA World Cup ឆ្នាំ ២០២២ នៅឯកីឡដ្ឋាន Thammasat Stadium នាថ្ងៃទី ៥ កញ្ញាខាងមុខ។
ស្របពេលដែលជម្រើសជាតិថៃបានប្រកាសបេក្ខភាពបញ្ជីឈ្មោះទាំង ២៣ រូប ទៅមើលការឆ្លើយតបរបស់លោក Park ប្រាប់សារព័ត៌មាន Bangkok Post បាននិយាយថា៖ “សព្វថ្ងៃថៃមានកីឡាករ ៣ រូបកំពុងលេងនៅ J1 League ដែលមាន Chanathip, Bunmathan និង Thitipan Puangchan ដោយកន្លងទៅ Chanathip គេពុំបានលេងនៅ King’s Cup ២០១៩ តែយើងបានមើលការលេងរបស់គេនៅ Asian Cup នាដើមឆ្នាំ”។
លោកបន្ត៖ “យើងក៏បានមើលវីដេអូជាច្រើនរបស់ Chanathip ពោលគឺអាចនិយាយថាវៀតណាមត្រូវប្រុងប្រយ័ត្នខ្ពស់ជាមួយកីឡាកររូបនេះ”។
លោកបញ្ចប់ថា៖ “Chanathip គេឈរលំដាប់កំពូលរយៈពេល ៥ ឆ្នាំចុងក្រោយនេះ ប៉ុន្តែយើងមិនមែនថាតាមប្រយ័ត្នតែរូបគេម្នាក់ទេ ព្រោះក្រុមថៃក៏ប្រមូលផ្តុំសុទ្ធតែកីឡាករល្អៗច្រើនទៀតផងដែរ”៕ ប្រភព៖ FoxSportAsia