យោងតាមសារព័ត៌មាន Sky Sport Italia បានចុះផ្សាយថាក្លឹប Inter Milan រំពឹងនឹងទទួលបានការចុះហត្ថលេខាកុងត្រាថ្មីជាមួយតារាឆ្នើម Mauro Icardi សម្រាប់រយៈពេល ១ ឆ្នាំបន្ថែមទៀត ប៉ុន្តែដាក់គោលដៅដើរចូល Paris Saint-Germain ក្នុងលក្ខខណ្ឌខ្ចីជើង។
ជាមួយជម្រើសដែល PSG អាចទិញផ្តាច់ នោះ Icardi អាចនឹងមានជោគវាសនាត្រូវទៅជ្រោកក្រោមទ្រនំរបស់ក្លឹបយក្សបារាំងច្រើនជាងនៅថ្ងៃអនាគត ក្រោយពីមានភាពប្រេះស្រាំជាមួយក្លឹបនៅ Serie A។
ភរិយារបស់លោកផ្ទាល់អ្នកស្រី Wanda Nara ដែលជាអ្នករត់ការបានបញ្ជាក់មុននេះថាខ្លួនក៏កំពុងស្វែងរកទ្រនំថ្មីឲ្យប្តីរបស់ខ្លួនផងដែរ ទាំងដែលទីផ្សារដោះដូរកៀកនឹងបញ្ចប់ទៅហើយ។ បញ្ជាក់ថាកុងត្រានៅសេសសល់របស់កីឡាករអាហ្សង់ទីនជាមួយ Inter ត្រូវផុតនៅខែមិថុនា ឆ្នាំ ២០២០៕ ប្រភព៖ AF