ការចាប់ពូលពានរង្វាន់ UEFA Champions League រដូវកាលថ្មី ធ្វើឡើងរួចរាល់ហើយនៅ Monaco កាលពីយប់មិញនេះ ហើយក៏មានការភ្ញាក់ផ្អើលនិងលទ្ធផលផងដែរ។
ក្នុងនោះក្រុម Dortmund ដែលស្ថិតនៅពូលជាមួយក្រុម Barcelona បានបង្ហោះនៅលើបណ្ដាញសង្គមភ្លាមថា ដល់ពេលដែលពួកគេត្រូវហ្វឹកហាត់បាល់ជ្រុងហើយ។ ដោយបាល់ជ្រុងនេះ គឺជាចំណុចខ្សោយរបស់ក្រុម Barcelona ។ ជាក់ស្ដែងរដូវកាលមុន ពួកគេធ្លាក់ក្រោមថ្វីជើងរបស់ Liverpool គឺកើតចេញពីបាល់ជ្រុងនេះឯង។
សម្រាប់រដូវកាលនេះ ក្រុមអ្នកមានបុណ្យ Barcelona គឺជាក្រុមដែលគេគិតថាមានភាគរយខ្ពស់ក្នុងការយកពានរង្វាន់ UEFA Champions League ត្បិតអីពួកគេបានខកខានលើកវាយូរគ្រាន់បើដែរហើយ។ ការរៀបចំក្រុម និងកីឡាករចំណូលថ្មីល្អទៀត ក៏ជាផ្នែកមួយដែលគេចាប់អារម្មណ៍និងទុកចិត្តលើ Barca ក្នុងការប្រជែងពានដែរ៕ប្រភព៖ Marca
