ក្លឹប Bury FC កំពុងដួលរលំហើយ ក្រោយពីក្របខណ្ឌ Football League របស់អង់គ្លេស បានកាត់ឈ្មោះក្លឹបនេះចេញ ព្រោះគ្មានអ្នកចេញមុខជំហរជាម្ចាស់។
ក្របខណ្ឌ Football League បានដាក់ម៉ោងចុងក្រោយឱ្យក្រុម Bury FC ចុះឈ្មោះចូលលេង ត្រឹមថ្ងៃអង្គារពេលល្ងាចម្សិលមិញនេះ។ ប៉ុន្តែលទ្ធផលចុងក្រោយ ពួកគេមិនអាចចុះទាន់ពេលវេលានោះទេ ព្រោះគ្មានម្ចាស់ច្បាស់លាស់ ដោយគ្រាន់តែអះអាងថាមានលទ្ធផលសម្រាប់ចូលលេងប៉ុណ្ណោះ។ កត្តានេះហើយ ទើបបានជាពួកគេត្រូវកាត់ឈ្មោះចេញពីក្របខណ្ឌខាងលើ។
ក្លឹបដែលធ្លាប់ឈ្នះ FA Cup បាន២លើកខាងលើនេះមានអាយុកាល១៣៤ឆ្នាំមកហើយ ប៉ុន្តែដោយសារតែផ្លាស់ប្ដូរម្ចាស់ជាច្រើន និងមានបញ្ហាហិរញ្ញវត្ថុជាប់រហូតនោះ ទើបបានជាពួកគេធ្លាក់រហូតដល់ពេលនេះ។ អ្នកគាំទ្រចាប់ផ្ដើមប្រកាសរកជំនួយនិងអ្នកជំនួញដើម្បីមកស្រោចស្រង់ក្លឹបនេះវិញ ព្រោះវាមានអាយុកាលជាង១០០ឆ្នាំមកហើយ មិនចង់ឃើញវាដួលត្រឹមនេះទេ៕ប្រភព៖ Dailymail