Barcelona ប្រឈមនឹងបាត់បង់តារាឆ្នើម Ivan Rakitic នៅរដូវក្តៅនេះ ហើយក្លឹបក៏ទំនងជាលៃលកស្វែងរកអ្នកត្រៀមជំនួសឲ្យបានមុនពេលទីផ្សារដោះដូរត្រូវបិទទ្វារ។
តាមសារព័ត៌មាន Calciomercato របស់អ៊ីតាលីបានចុះផ្សាយថាអតីតកីឡាករនៅហង្សក្រហមនិងសព្វថ្ងៃលេងឲ្យសេះបង្កង់ Juventus គឺកីឡាករ Emre Can ដែលស្ថិតក្រោមរ៉ាដារបស់ក្លឹប Bayern Munich និង PSG ក៏រំពឹងនឹងផ្លាស់ទៅចូលរួមនៅ Barcelona ប្រសិនការចរចាត្រូវរ៉ូវរវាងភាគីទាំងពីរ។
អនាគតរបស់កីឡាករ Rakitic នៅ Camp Nou ក៏ប្រឈមនឹងចាកចេញទៅ Paris Saint-Germain ជុំវិញរឿងរ៉ាវដោះដូរយក Neymar។ បែបណាមិញក៏វាអាចថាស៊ីសងលើក្លឹប Real Madrid ព្រោះប្រសិនក្លឹបនេះជាពិតអាចនាំយក Neymar ដូចការផ្ទុះនៅរសៀលនេះពិតមែន នោះអនាគត Rakitic ក៏អាចបន្តឈរជើងដូចគ្នា។ ប្រភព៖ FoxSportAsia