ការប្រកួតបើកឆាកលីគកំពូលអ៊ីតាលី Serie A ក្រុម Juventus បានយកឈ្នះលើក្រុម Parma ក្នុងលទ្ធផល ១-០ ដោយ Chiellini ជាអ្នកធ្វើបានសម្រេច១គ្រាប់នេះ។
ក្នុងការប្រកួតនេះដែរ គេសង្កេតឃើញក្រុម Juventus បានទុកជើងកីឡាករថ្មីរបស់ខ្លួន Matthijs de Ligt មិនដាក់ឱ្យលេងនោះទេ។ កត្តានេះហើយបានធ្វើឱ្យសាមីខ្លួនមានការភ្ញាក់ផ្អើលយ៉ាងខ្លាំង ត្បិតអីរូបគេរំពឹងថានឹងមានឱកាសបានចូលលេងជម្រើស១១នាក់ដំបូងជាប់លាប់មិនខាន។
កីឡាករហុល្លង់ខាងលើនេះបាននិយាយក្រោយមិនបានលេងប្រកួតដំបូងថា៖ “ធម្មតា ខ្ញុំគិតថាខ្ញុំនឹងបានចូលលេង ព្រោះមិនមានរបួសអ្វីទេ ដូច្នេះហើយទើបខ្ញុំភ្ញាក់ផ្អើលនៅពេលអង្គុយកៅអីបម្រុងនេះ។ តែខ្ញុំគោរពការសម្រេចចិត្តរបស់គ្រូបង្វឹក ខ្ញុំនឹងប្រឹងប្រែងបន្ដទៀត ហើយខ្ញុំពេញចិត្តនៅអ៊ីតាលីនេះ”៕ប្រភព៖ Dailymail
