Takefusa Kubo ឬហៅកាត់ ‘Messi ជប៉ុន’ ទើបតែហោះមកដល់ទីក្រុង Palma នៅមុននេះបន្តិច ដែលជាសញ្ញាឈានដល់ការដាក់ឲ្យខ្ចីជើងទៅកាន់ក្លឹបថ្មី Real Mallorca ដែលទើបតែឡើងមកក្របខ័ណ្ឌ LaLiga។
កីឡាករជប៉ុនសព្វថ្ងៃកំពុងស្ថិតក្រោមដំណាក់កាលតេស្តសុខភាព មុនទម្លាក់ចុងប៊ិចចុះហត្ថលេខាឲ្យក្លឹបដែលកំពុងឈរលេខ ៣ ក្នុងតារាង។
បញ្ជាក់ថាយុវជនវ័យ ១៨ ឆ្នាំរូបនេះ តាមថាត្រូវបានកំណត់ឲ្យលេងនៅ Real Madrid Castilla ក្រោមការដឹកនាំរបស់ Raul នារដូវកាល ២០១៩/២០ ប៉ុន្តែទំនងជាសមត្ថភាពរបស់គេមានកម្រិតខ្ពស់មួយគួរឲ្យកត់សម្គាល់ ទើបរើបម្រាស់រកផ្លូវចេញទៅលេងនៅឈុតធំរបស់ Mallorca វិញ។ Kubo នឹងក្លាយជាកីឡាករទីបីហើយដែលចូលរួមនៅក្លឹបនេះ បន្ទាប់ពី Yoshito Okubo និង Akihito Lenaga។ ប្រភព៖ AF