លោក Sarri កំពុងសម្រាកនៅមន្ទីរពេទ្យដោយសារតែរលាកសួតធ្ងន់ធ្ងរ ហើយអាចនឹងអវត្តមានក្នុងការដឹកនាំក្រុម Juventus ប្រកួតបើកឆាក Serie A ទល់ក្រុម Parma ថែមទៀតនៅចុងសប្ដាហ៍នេះ។
កាលពីសប្ដាហ៍មុនលោកបានខកខានមកទីលានបង្ហាត់ម្ដងមកហើយ ដោយគ្រានោះមានការបញ្ជាក់ថាលោក Sarri ផ្ដាសាយធំ។ តែក្រោយមកទៀត ដោយសារតែជំងឺកាន់តែធ្ងន់លោកក៏ត្រូវបញ្ជូនទៅកាន់មន្ទីរពេទ្យ ហើយលទ្ធផលចេញមកថាលោកមានជំងឺរលាកសួតធ្ងន់ធ្ងរ ដោយសារតែញៀនបារីរបស់ខ្លួន។ គេរំពឹងថាលោកនឹងអាចចេញពីមន្ទីរពេទ្យវិញឆាប់ៗ ហើយត្រូវការពេលសម្រាកយ៉ាងតិច៧ថ្ងៃ ទើបអាចមកដឹកនាំក្រុមវិញបាន។
កាលពីពេលកន្លងទៅមានការចុះផ្សាយថាលោក Sarri នេះ ញៀនបារីខ្លាំងណាស់។ ក្នុង១ថ្ងៃលោកជក់អស់៦០ដើមឯណោះ បើទោះជាកំពុងឈរបញ្ជាកូនក្រុម ក៏លោកចូលចិត្តជក់ដែរ៕ប្រភព៖ Dailymail