ក្រុម Roma ចង់ខ្ចីជើង Sanchez ទៅលេងនៅលីគកំពូលរបស់អ៊ីតាលី ក្រោយពីក្រុម Manchester United លែងត្រូវការរូបគេទៀតហើយ។
Sanchez ដោយសារតែរបួសមិនបានចូលហាត់និងប្រកួត Pre Season ជាមួយសមាជិកដទៃទៀតទេ។ ដោយឡែកសម្រាប់ការប្រកួតបើកឆាកជាមួយ Chelsea រូបគេក៏មិនបានចូលដែរ ដោយលោក Solskjaer គិតថារូបគេជាសះស្បើយមែន តែមិនទាន់យល់ចិត្តសមាជិកក្រុមដទៃទៀត។ ស្របពេលបច្ចុប្បន្ននេះ មានក្លឹបមួយកំពុងចូលសួរនាំយកកីឡាករឈីលីនេះហើយ។
Roma ចង់ខ្ចីជើង Sanchez ១រដូវកាល ដើម្បីទៅជួយក្រុមរបស់ពួកគេប្រជែងពានរង្វាន់ Serie A ។ ស្របពេល Man Utd កំពុងចង់បញ្ចេញកីឡាករនេះផងនោះ ពួកគេអាចនឹងយល់ព្រមជាមួយសំណើរនេះ។ មានរឿង១ដែលក្រុមទាំងពីរត្រូវដោះស្រាយទៀត ជាមួយតម្លៃពលកម្មរបស់ Sanchez ដែលមានរហូតដល់៥សែនផោនក្នុង១សប្ដាហ៍។ តម្លៃនេះ ក្រុម Roma ចង់បន្ទាបបន្តិច ទើបពួកគេអាចរ៉ាប់រងបាន៕ប្រភព៖ Thesun