ក្រុម Liverpool បើកឆាករដូវកាលថ្មី ដោយយកឈ្នះលើក្រុម Norwich ក្នុងលទ្ធផល ៤-១ កាលពីយប់មិញនេះ ប៉ុន្តែពួកគេក៏ត្រូវបានអ្នកវិភាគមើលឃើញចំណុចខ្វះខាតដែរ។
លោក Carragher ពិធីកររបស់ Sky Sport និងជាអតីតកីឡាករ Liverpool ផងនោះ បាននិយាយថាក្រុមហង្សក្រហមរដូវកាលនេះ មានប្រព័ន្ធការពារខ្សោយណាស់ បើធៀបឆ្នាំមុន។ ១ប្រកួតដំបូងនេះ ពួកគេមានចង្វាក់លេងមិនស៊ីចង្វាក់ដូចមុនទេ នេះជាបញ្ហារបស់លោក Klopp ដែលត្រូវដោះស្រាយជាបន្ទាន់។ អមជាមួយអ្នកចាំទី Alisson របួសទៀតនោះ ក្រុម Liverpool នឹងជួបផលលំបាកហើយ។
សម្រាប់ការប្រកួតនេះដែរ លោក klopp ក៏បានបង្ហាញចំណាប់អារម្មណ៍បន្តិចដែរថារបួសអ្នកចាំទីនឹងបង្កជាផលលំបាកសម្រាប់ក្រុម។ របួស Alisson មិនស្រាលឡើយ ហើយលោកអាចនិយាយបានថាការប្រកួតបន្ទាប់ខាងមុខនេះ រូបគេនឹងមិនអាចចូលលេងបាននោះទេ៕ប្រភព៖ Dailymail.