ក្លឹប Inter Milan ទិញបានខ្សែប្រយុទ្ធ Lukaku ពីក្រុម Manchester United ហើយ ក្នុងតម្លៃខ្លួន៧៣លានផោន ដោយសាមីខ្លួនបានទៅដល់អ៊ីតាលីជាស្រេច។
ក្រុមរបស់លោក Conte នេះចង់បានខ្សែប្រយុទ្ធមាឌធំខាងលើជាយូរមកហើយ ដោយទើបបានសម្រេចនាពេលនេះឯង ក្រោយពីធ្វើការចរចាអស់ពេលជាយូរមកនោះ។ តម្លៃខ្លួនរបស់គេគឺ ៧៣លានផោន ហើយនឹងមាន Bonus រហូតដល់១២លានផោនទៀត ប្រសិនបើរូបគេធ្វើបានល្អ និងជួយក្រុមឈ្នះពាន។ កីឡាករវ័យ២៦ឆ្នាំខាងលើនឹងធ្វើការបង្ហាញខ្លួនជាផ្លូវការនៅថ្ងៃស្អែកនេះ។
លោក Conte ដែលជាអ្នកចាត់ការក្រុម Inter Milan ចង់បានកីឡាករខាងលើតាំងពីនៅដឹកនាំក្រុម Chelsea ម្ល៉េះ ប៉ុន្តែយកមិនបានសោះ ដោយគ្រានោះលោកទិញមិនឈ្នះ Man Utd គ្រា Lukaku លេងឱ្យក្រុម Everton ៕ប្រភព៖ Dailymail
