យោងតាមសារព័ត៌មាន Sky Sports ចុះផ្សាយថាតារាឆ្នើម Neymar បានប្រាប់ទៅកាន់ក្លឹប PSG ជាថ្មីម្តងទៀតពីបំណងក្នុងការចែកផ្លូវជាមួយក្លឹបនៅទីផ្សារដោះដូររដូវក្តៅដែលកៀកនឹងបញ្ចប់ទៅហើយនេះ។
យ៉ាងណាមិញប្រភពដដែលបានសង្កត់ធ្ងន់ថាភាគីខាងក្លឹបបារាំងក៏អាចយល់ព្រមលើសំណើខ្សែប្រយុទ្ធសញ្ជាតិប្រេស៊ីលដូចគ្នា ប៉ុន្តែទាមទារឲ្យមានក្លឹបណាមួយហ៊ានចំណាយស្មើដើម ២២២ លានអឺរ៉ូដែលខ្លួនបានចំណាយកាលពីឆ្នាំ ២០១៧ សិន។
បញ្ជាក់ថានៅប្រកួតពានរង្វាន់ Trophee des Champions ទល់ក្លឹប Rennes កាលពីថ្ងៃសោរ៍សប្តាហ៍មុន ក្លឹបជើងឯកបារាំងបានយកឈ្នះក្នុងលទ្ធផល ២-១ ដោយមិនមានវត្តមាន Neymar ហើយនៅទិដ្ឋភាពនៃការថតរូបលើកពានមានវីដេអូដែលទម្លាយថាមិត្តរួមក្រុមបានច្រានបុរសប្រេស៊ីលរូបនេះចេញទៀតផង។ ប្រភព៖ AF