Cristiano Ronaldo បានពន្យល់ពីស្ទាយអបអរ ‘Siiuuu’ របស់ខ្លួនកាលពីពេលកន្លងទៅ ដោយថាដើមកំណើតរបស់វាបានកើតឡើងនៅក្នុងប្រកួតមួយទល់ Chelsea នៅឯទឹកដីសហរដ្ឋអាមេរិក ដែលគ្រានោះលោកបានចេញកាយវិការដោយគ្មានការព្រាងទុក ប៉ុន្តែដោយឃើញពីចំណាប់អារម្មណ៍ដ៏ធំធេងរបស់អ្នកគាំទ្រ CR7 ក៏បន្តប្រើប្រាស់ស្ទាយប្រចាំត្រកូលមួយនេះទល់សព្វថ្ងៃ។
បន្តដល់ចំណុចមួយផ្សេងទៀត កីឡាករវ័យ ៣៤ ឆ្នាំក៏និយាយដល់បុគ្គលមួយរូបដែលលោកប្រាថ្នាចង់ចាប់ដៃគូនៅលើទីលានប្រកួត។ Ronaldo និយាយថា៖ “មានកីឡាករកំពូលជាច្រើនដែលខ្ញុំចង់លេងជាមួយ ប៉ុន្តែបើឲ្យខ្ញុំរើសយកម្នាក់ នោះគឺ Eusebio ដែលជានិមិត្តសញ្ញារបស់ព័រទុយហ្គាល់ ព្រោះគាត់ជាបុគ្គលអស្ចារ្យនិងគំរូដល់អ្នករាល់គ្នា”។
បញ្ជាក់ថា Eusebio បានទទួលមរណភាពទៅហើយកាលពីឆ្នាំ ២០១៤ ក្នុងទីក្រុង Lisbon ប្រទេសព័រទុយហ្គាល់។ អំឡុងបម្រើអាជីពបាល់ទាត់លោករកបាន ៧៣៣ គ្រាប់ក្នុង ៧៤៥ ប្រកួតសរុប ដែលធ្លាប់ទាំងឈ្នះពានរង្វាន់ Ballon d’Or ថែមទៀតផង។ ប្រភព៖ FoxSportAsia